«Իրանի Իսլամական Հանրապետություն կատարած աշխատանքային այցի շրջանակներում հանդիպել եմ Իրանի ամենամեծ նահանգի` Քերմանի նահանգապետ Մոհամմադ Մեհդի Ֆադաքարի հետ:

Հանդիպման ընթացքում քննարկել ենք Արմավիրի և Քերմանի միջև տնտեսական, գիտական և մշակութային ոլորտներում հնարավոր համագործակցության հետ կապված հարցեր:

Իրանում Հայաստանի Հանրապետության առևտրային ներկայացուցիչ Վարդան Կոստանյանի հետ իրանցի մեր գործընկերներին ենք ներկայացրել Հայաստանի ներդրումային միջավայրը, համատեղ աշխատանքի հնարավոր ոլորտները:

Հանդիպման ընթացքում կարևորել եմ այն հանգամանքը, որ Արմավիրում արդեն իսկ հաջող գործունեություն են ծավալում իրանական կապիտալով հիմնված մի քանի ընկերություններ, որոնք զբաղվում են գյուղմթերքի մշակմամբ և վերամշակմամբ:

Իրանցի գործընկերների հետ վստահություն ենք հայտնում, որ առաջիկայում այդ ընկերությունների թիվը Արմավիրում կավելանա` ընդգրկելով նաև նոր ոլորտներ»:

/araratnews.am